Ungdom får fiske for salg i sommarferien i år også

Ordninga vil gjelde for heile landet i perioden frå og med 20. juni 2016 og til og med 12. august 2016, og femner om alle fiskeslag som blir fanga i dei vanlege fiskeria langs kysten, skriv Fiskeridirektoratet


Særlege reglar for rognkjeks


For fiske etter rognkjeks er det særlege reglar. Ordninga for rognkjeks gjeld i perioden frå og med 12. mai til og med 20. juni 2016 vest for 26°A (omlag ved Nordkapp), og i perioden frå og med 12. mai til og med 5. juli 2016 i Finnmark aust for 26°A.

Avslutningstidspunkt er lik stoppdatoane i det ordinære rognkjeksfisket. Ordninga gjeld ikkje for manntalsførde fiskarar.

For fiske etter rognkjeks i denne ordninga gjeld det ei avgrensing på 600 kilo utilverka rognkjeksrogn per person og per fartøy.

Rognkjeksfisket skjer på grunt vatn langs fjøra, og saman med reiskapsavgrensinga på inntil 210 meter garn er det eit vilkår at fartøyet må vere mindre enn 6 meter. Dette er for å sikre at ordninga kjem målgruppa til gode. I sommarfisket etter andre fiskeslag er det ikkje ei slik avgrensing i storleiken på fartøyet.


Reiskap


Ungdomsfisket kan drivast med stang, handsnøre, juksemaskin, garn med samla lengd på inntil 210 meter, liner med inntil 300 anglar og inntil 20 teiner eller ruser.

Avgrensinga i bruk av reiskapar gjeld per fartøy. Ved ungdomsfiske i regi av ein kommune - der fleire ungdommar fiskar med same fartøy - kan Fiskeridirektoratets regionkontor gi unntak frå reiskapsavgrensinga per fartøy, men ikkje per person.


Fartøy

Det er lov å nytte merkeregistrerte fiskefartøy i ordninga med ungdomsfiske, men det er ein føresetnad at avgrensinga i reiskapsbruken blir følgd. Derfor kan ikkje merkeregistrerte fartøy nyttast til ordinær drift eller ha reiskap i sjøen i tillegg til dei nemnde avgrensingane i den perioden fartøyet blir nytta i ungdomsfisket. Det vil seie i perioden frå fartøyet første gang blir nytta i ordninga med ungdomsfiske til siste fangst er levert.

Ungdom under 12 år kan av sikkerheitsgrunnar ikkje delta i ordninga.

Den som skal delta i ungdomsfiskeordningen må registrerast ved Fiskeridirektoratet sitt regionkontor i det distrikt vedkomande er busett.

Les mer om regelverket her og finn registreringsskjema her: